قصيدة اطلال الحب ..... خاص بشاعر الشهر ... بقلمي

اخواني اخواتي رواد المنتدى

الشعر الشعبي هذه احدى قصائدي

لمسابقة شاعر الشهر



اطلال الحب

تبدلتي و تغيرتي و باب قلبك علينا سديتيه

طويتي صفحة جميلـة كانت فايحـة بعطورك

و نسيتي الماضي كلـه و نسيتي ايامو و لياليه

ايام كانت الدنيا زاهيـة فرحانة و النور نورك

القلب اللي آمن بكلامك شحال من مرة خدعتيه

ياما زوقتي حياتو بالامل و فرشتي طريقو بزهورك

كان راسم ليك اجمل صورة وظانك ملك يديه

وتمنى حياتو تصبح كلها اعياد يوم ملقاك وظهورك

ياما بكلامك سحرتيه و ياما بقصورك و همتيه

لكن حبـك كان مسرحية تقنتي فيهـا دورك

واللي كان جامعنا اصبح اطلال الطيور تنوح عليه

بنيتي من لوهام عش الاحلام لكن بانت شرورك

جرحك قاسي وصعيب لكن الزمان قادر يداويه

بعتني و شريتي الغير و بكلامك سكنتيه قصورك

و خايف لا يجيه يوم و من نفس الكاس تسقيه

ما كفاية لاوهامك وخليك رزين و انسى غرورك

خاف الله يا قاسي و اخلص للحب و صافيه

الدنيا حال واحوال اليوم دوري و غدا دورك

خلي قلبك يعرف الحب الصادق و يتسلح بيه

يدوم ربيعك اخضر و لا يوم تدبال فيه زهورك



بقلمي شهريار الاول

في 08/07/2011