قصيدة فيها دلع بنت الشمال وكبرياء بنت الجنوب

لسلآم عليكم ورحمـة الله وبركآآته



أخ‘ــبآركم إن شآء الله زينين



قصيدة أعجبتني كثيرا ً , وللأسف لم يـُـكتب إسم شاعرها ..



ذات القوام الفـارع الممشـوق ذبـاح القلـوب
تمايلـت قـدام عينـي قلـت ياديـن النـبـي

فيها دلع بنت الشمـال وكبريـا بنـت الجنـوب


مااقـول كلـي هـام فيهـا للأمانـه أغلـبـي


هذيك لا منها مشت باسـت خطاويهـا الـدروب

وتقول تحـت أقدامهـا فديـت ماطـاك أرحبـي


قمت آتهجى حسنها اللامنتهي من كـل صـوب


كني طفل قـام يتهجـى ترجمـة فيلـم أجنبـي


مرت تقل كنها تقـود الغيـم وفلـول الهبـوب


وأليا تقفتهـا الهبـوب بظهرهـا قمـت آحبـي


تلعثمـت فينـي المشاعـر آتثيقـل ثـم أذوب
عجزت أعبر باللسـان وقمـت أعبـر بركبـي


كنها تعذب من يناظرها وهو يصـرخ أتـوب


لا بـارك الله فـي اللثامـات الجديـده والعبـي


بنت أغنيا مصبوب فيها العز والهيبـه صبـوب


متغطرسه تأخـذ قبـل لا يسألوهـا وش تبـي


تمشى وتملاها الثقه في نفسهـا ماهـي لعـوب


عزي لحال اللي يقول أقدر لها لانه غبـي


‏برج العرب لو شاف ماشفته بها وقت الغروب

بيقول ودوني ( الخبر ) والله ماأقعد في ( دبي )




وأتمنـى إن هالقصيـدة نآلت إع‘ـجآبكم


( في أمـآن الله )